Panangiamammo iti Sangaili

I delivered this during the Santacruzan 2013 of IFI Laoag 

Kakabsat ken Kristo! Inak man iyebkas iti nabara unay a kablaaw ko kadakayo amin a sangapada nga adda kadaytoy nga kalaong!

Iti Santacruzan ket maysa nga naidumduma a pasken iti bulan iti Mayo, kageddan iti nababanglo a sabsabong nga agukrad iti panakaparada iti agkakalasbang nga babalasang nga kinuyog iti agkakalatek nga babaro. Iti daytoy pay nga panagpyesta ket ikan tayo iti pamadayaw iti ingingunguten tayo unay nga ina, ni Birhen Maria!

Maysa nga pamadayaw iti maikkan iti gundaway nga mangiyamamo kadakayo iti nalatek nga sangaili a sumarita ken mangorona iti reyna ken ari ita a pasken. Mabalin nga nakakaabay tayo detoy sangaili tayon iti naduduma-duma a misa a intayo atatendaran, mablin nga agiinisem tayo no agsisinabet iti mata tayo babaen iti kaada tayo iti daytoy nga taripnong! Naisangsangayan ngarud daytoy nga aldaw ta intayo agrambak iti piyesta dagiti sabsabong ken pasingkedan iti naidumduma a pagulidanan, intayo man ngarud amamuen daytoy naisangsangayan a bisita.

Maikadwa nga aldaw iti bulan ti Agosto idi maysa a maladaga iti inyanak ni Hortencia nga asawa ni Juanito. Bayat iti inna pinagdakkel isuna ket napatadem iti biag, nagpursigi ken nagballaigi, nagturpos iti Doctorate degree ken inaramid na iti dissertation research na idyay Indiana University, Pennsylvania, USA. Agdama ngarud nga agbasbasa man iti PhD in Biology major in Human Biology and Health idyay Saint Louis University. Gappu iti kinaadda iti naidumduma a sirib ken panagserbisyo na iti tattao haan ngarud a nagbayag ket nagbalin isuna nga hepe iti Alumni Relations Office iti MMSU.

Isuna ngarud ket babai nga managserbi, mananga-asi ken natakneng nga manangidaulo kas makita iti naidumduma a ballaigi nga nagbanbanagan iti Alumni Affairs iti MMSU kas iti maimatmatangak idyay unibersidad.

Iti kinalaing na nga mangisuro iti nagbalin a pagsarmingan iti nadumaduma nga estudyante nga dumalyasat kanyana a kas maestra da, iti karit a inpapaay na iti agserserbi a tulbek iti tungal biag a nagballaigi. Agdama ngarud isuna nga Associate Professor iti Department of Biology iti College of Arts and Sciences iti deta metlaeng nalatak nga unibersidad.

Naipakita na ngarud iti laing nan iti anyaman a banag panagsarita, panagbalin a lider kasta met iti biology. Agdindinamag ngarud iti takneng na!

Araramaten na ngarud iti inpaay ti Apo a Dios kapnon makatulong pay iti adaddu pay a tattao. Iti kamamayatan nga pamadayaw nga addaan isuna ket iti inna panakasagid iti tunggal puso dagiti estudyante kasta met kadagiti tattao nga makalangen-langen na.

Iti nagan na ken dagiti nagun-odan na iti biag ket dakkel nga pakakitaan iti inna panagballaigi.

Gagayem ken kakabsat siguradwek nga umanamo kayo no kunaek nga datayo nga Aglipayano ket addaan iti napintas, nasaririt, natakneng, nalaing ken managayat a kabsat!

Kadwaen dak ngarud iti intayo panangsarabo keni Dr. Doreen D. Domingo!

Pasarabuan tayo ngarud iti nabara nga sipsipat!